青春'24'東日本及北海道電波之旅之北海道篇 - (5)函館

相比起北海道其他地方,作為北海道入口既函館,相信應該是比較多旅遊點的一個城市,花既時間相對地會比札幌多。
活動方面其實可分為夜間以及日間,先說說夜間的。
要說到於夜間必定要做的,肯定係上函館山看其聞名既夜景!

當晚因為函館出身既友人駕車出來帶我們周圍玩,又因為新牌仔唔敢渣上山,所以小弟總算有了於日本渣車既初體驗!!!
(於日本渣車還真爽!馬路夠闊,車又不多,非常放心!!!)
除此之外還有市中心附近,亮了燈的紅倉庫群,天氣好的話於那邊吹著海風看著夜景感覺還挺不錯的!

到了日間,要是早上想吃個奢侈到極點,新鮮的魚生飯作為早餐的話,可去位於車站附近的朝市走一轉!
那裡除了真的有個朝市市場販賣新鮮海產及乾貨手信之外,還設一個有美食廣場。(不是food court!!!)
內裡有十多間食店任均選擇,想吃魚生飯的有魚生飯,想吃拉麵的亦有拉麵。

吃完一個豐富既早餐過後,想四周行行消化一下,可選擇坐市內電車甚至行到函館山山腳附近。
那裡有一系列既教會群,元町公園等有點西式感覺既建築物,望著海慢慢行上山,就當消化一下早餐吧!XD

除此之外,要是有時間的話請務必去算是市外既五稜郭公園遊覽。
沒記錯的話五稜郭公園可是有名的新選組既...據點(?)
假如時間非常充裕的話,可選擇付800yen上五稜郭Tower,一覽何謂五稜郭公園!
當日因為小弟比較趕...鐵定上不了,有點可惜的說...

說到函館出名既食物,除左各類海產及墨魚之外,要說到大眾化的一定首推一間叫做Lucky Pierrot既Burger fast food shop!

這間鋪於函館非常多分店,但就只限函館,其他地方都沒有的!
他們有售自家的招牌漢堡,即使不是招牌的都非常好食,跟老麥可謂不同層次,肉汁豐富,價錢相宜!!!
既然難得去到,怎可能錯過只有於函館才可食到既burger呢?XDDD
ハンバーガー ラッキーピエロ: http://www.luckypierrot.jp/

完成了函館的行程之後,同時亦都係代表要回到本州既時候!
今次因為係於日間坐車回到本州既關係,總算可以免費坐到スーパー白鳥了!

礙於我們都是使用特價票種既關係,得花時間由函館坐車到木古內才可以乘上スーパー白鳥...
回到本州後亦不能一下子坐到青森,又得於蟹田下車轉乘普通列車,所以...平還是有平既不便...冇辦法...誰叫我們no水水...lol

坦白說其實可以的話我都不太想離開北海道...北海道之大,絕非只花數天便可玩盡!!!
要是撇除JR班次稀疏得可憐這個問題的話,北海道絕對是一個親親大自然的好地方!
跟大廈林立,完全沒有置身日本感覺的東京相比(我真係覺得自己同喺HK冇分別),想放下急促既腳步,好好享受假期既話,北海道絕對係首選!
至於下次幾時再去就真係未知,但下次絕對會租車而非JR!或者下次會為左雪祭之去都未定?lol
(要有心理準備極寒...零下20度...=.=")