真・夏季青春18之旅 - (3)愛知縣名古屋

位於愛知縣既名古屋因為離三重縣既伊賀非常近,大概只有一個小時車程左右,
反正都回不了東京,於是就走到名古屋遊覽一下,並於那裡留宿,當作中途站。

(GAG:名古屋比HK人既感覺就係...麵包鋪...lol)

為了省錢,當晚去了車站附近的漫畫cafe - Manboo!留宿,亦是我第一次於漫畫cafe過夜,
以1600yen 8個小時來說環境意外地相當不錯!
Pair room面積算大,非常寬闊,亦有大呎寸既LCD TV加一部算新既PC供使用。

最重要係有飲品放題(咖啡,汽水等等任飲,任君選擇,不另收費!)以及免費沐浴服務(提供毛巾及hair dryer!),
從此,我再找不到予約hostel以及backpackers的理由! lol
Net Cafe MANBOO!: http://www.manboo.co.jp/


留在名古屋的時間不多,於是晚上入住Manboo!之前就於名古屋內四處逛。
想不到由車站行去電視塔頗遠...來回花了一個小時...

 最無奈係...點解座電視塔跟札幌果一座完全一樣?而且其公園亦跟札幌的一樣,叫做大通公園...lol
附近的城市規劃亦令人有點熟悉,就是因為又跟札幌一樣嘛...榮區那邊的商場又有一座摩天輪...
唯一不同的是人流比札幌多,始終名古屋也是一個大城市...

(我個人向來認為只要有首都高速的城市都是大城市,日本就有三個,東京,大阪名名古屋lol)
除此之外,車站的又有座JR Tower,不同的是名古堅的是打孖的!lol 

到了大白天當然要去名古屋城,尋找德川家康的足跡,規模絕對拍得上小田原城!!!

準備維修...近來日本不少名城都開始進行保養工程,注意...

除了遊覽外,名古屋亦都有不少出名既美食,當中要說的一定是名古屋特有的味噌(麵豉)!
於是於名古屋所吃的三餐都跟味噌有關...實行做一個名古屋人,唔濃味都唔食!
我就係唔明點解名古屋既味噌比正常的冇咁咸,但又可以咁濃味呢?

首先,我既名古屋味噌初體驗係比左呢間玩食音,位於車站內既「なごや」名古屋拉麵!
亦係第一次體驗到比正常味噌冇咁咸而濃度仍然維持到既感覺,從此愛上!!!

接著就係非常出名,連るるぶ都有介紹既山本屋本店既味噌煮込烏冬!
別看它細細煲收你1200yen以為食唔飽,因為配菜係免費再加既關係,基本上係想像之外地飽!
可能亦都因為其湯底真係非常濃郁既關係,所以會更加易飽!
難怪這店人氣度高,於名古屋亦有不少分店,單單車站已經有兩間!!!

山本屋本店: http://www.yamamotoyahonten.co.jp/

最後就係人氣度極高,長期有人龍於店外既味噌かつ丼 - 「矢場とん」。
我曾經跟日本人閒談時問,點解我去到名古屋仲要食炸豬扒?我食炸豬扒時倒包味噌落去咪一樣!
結果...又真係唔同...但相比起上面的烏冬,又的確有點失色,特色欠奉,但不俗...
所以嘛,排長龍就總有其原因既,就係夠新鮮,豬扒即炸!!!

要食就要認住隻豬!

 

假如想食但又冇機會去名古屋的話,都有辦法!東京銀座有唯一一間東京分店,位置自行於官網查閱吧!
名古屋みそかつ矢場とん: http://www.yabaton.com/

結果今次去名古屋好似係為左食味噌多過去遊覽...
沒法,自問係一個愛食濃味既人,就跟名古屋人一模一樣,所以當然要入鄉隨俗,定居我都可以架!XDD