青春'24'東日本及北海道電波之旅之東北篇 - (2)宮城縣仙台

到了為期一星期既電波之旅既最後一日,早於上一晚就由青森坐車回到一個繁盛度像東京一樣既大城市 - 仙台!
在那裡,我們跟兩位於往函館既旅途上認識既美女告別後,就繼續我跟老兄的二人行。
(哪有人想寄post card送比人,卻要對方自行寄返屋企???還真可愛!lol)
步出車站那一刻...呼...還真像東京...感覺就像又回到現實一樣...lol

當晚我跟老兄二人找了間像bar的餐廳,在那裡order了一支啤酒塔慶祝我們完成為期一星期既電波行程!
我就覺得,反正最後一晚嘛,勞累了六日,就係要豪d,做d瘋狂既行為才心息!

事實上,當支啤酒塔上檯後即時惹黎全場既目光!我就是特別愛這種成為焦點既感覺XD
沒法,支塔太高,太張揚...亦沒人像我們一樣,一口氣叫了2L啤酒猛灌!!!
說到這支塔,1L賣2000yen,其實不算太貴,相比起逐杯數百yen叫,其實抵好多!!!

回東京當日的早上,我兩就去了位於仙台附近,被稱為日本三景之一既松島海岸玩了半day!
去完之後,實際上我真係唔太明點解松島會被稱為日本三景之一...

個人認為跟伊豆既城ヶ崎海岸相比,會唔會太少兒科?
或者如老兄所說,可能這個地方最靚既時候係日落或者落雪時。
雖然當日超級好天(秋田當時打緊風,橫風橫雨),但我唔識欣賞...
當地既景點有位於車站右手邊既雄島,中間既五大堂及松島城以及比較有看頭,於左邊既褔浦島。

雄島

五大堂

收取200yen「過路費」既褔浦島

當中就只有褔浦島要收取200yen既「過路費」,亦因為來回褔浦島只有一條橋,唔比就冇得去lol
回到仙台後,實情我想自己一個去仙台城跡尋找伊達政宗,卻因為時間上難遷就而失望而回...
只好執拾行裝,回到跟HK一模一樣既東京去,結束今次既一星期東北及北海道電波之旅...

又來食經!提起仙台的話定必會想到牛舌!!!
只係誓估唔到原來牛舌都有不少食法,好似我於松島時就發現了原來有牛舌饅頭這玩意!

平時食齋饅頭又或者菜肉包之類的就食得多,食一個內有牛舌既饅頭又真係第一次,感覺還挺新奇的!
那一刻的確非常有食牛舌既感覺! (同牛打茄輪loll)
至於正餐,那就推薦要去於仙台分店極多既「伊達の牛たん」食餐正統燒牛舌定食!勝在平靚正!
我個人向來不喜歡吃得太花巧,有得揀我一定揀食原味,所以肯定只會食鹽燒,點了個鹽燒牛舌定食!

問題來了!食食下我突然想起一個問題...到底點解仙台只係出名牛舌呢?一隻牛咁大隻,其他部份去了哪?
我對這真的大惑不解,於是嘗試問左好幾位日本人,得出的結論卻是...「唔知」lolll
到底係仙台人劏牛只要舌頭?定係因為仙台人特別拿手料理牛舌,所以入貨只入舌頭而非其他部份呢?
這個問題有誰可以解答我?我想我會一直深究這個有趣既問題!!!XDD
伊達の牛たん: http://www.dategyu.jp/

另外,在回東京的途中,經過宇都宮時,突然想起宇都宮係出名食餃子既地方,所以就鼠左落車食個餃子宴做晚餐!

但係,係唔係真係好食到會不時令人想起就真係見人見智,個人就覺得算不上非要去食一次不可,
只不過勝在款式有夠多,就像蝦餃子,我都不知道自己當時正在吃雲吞還是餃子...lol
比較有驚喜的反而係芝士餡餃子,非常惹味,意外地match!
至於招牌餃子嘛...根本就是一般的肉餃子...

價錢雖然不算太貴,但因為未至於令人回味無窮,既然於東京有平價既王將這個選擇,宇都宮的...有興趣才專程坐個半鐘JR去試好了。
宇都宮餃子舘: http://www.gyozakan.jp/

回到東京之後今次既東北及北海道電波之旅正式結束!
回想起這一個星期所發生的都盡是不錯的體驗,我就不認為單單來日本旅行的話可以嘗盡青春18只坐普通列車,於車上結交朋友既滋味!
始終來旅遊的都是用錢買時間,不像我們來WH的用時間換錢lol
而今次既旅程可謂盡是遺憾,因為還有太多想去的地方卻去不成...如秋田田沢湖,乳頭溫泉及青森既十和田湖及奧入瀨溪流等等...
日本之大果然不是單單一年半載可以玩盡,亦因為有遺憾才會有藉口再去周圍遊歷吧!
這一刻我倒期待冬季的青春18之旅,屆時我想我會向南走,走到九州.繼續以一年內制霸日本各縣為目標!!!XDDD