真・夏季青春18之旅 - (最終回)長野縣上高地

去完黑部之後的那天,一早就出發去了於松本附近的上高地。
去之前那一晚則於南松本的漫畫cafe - 「自遊空間」渡過了一個非常差勁既晚上!
原因?自遊空間比起Manboo!實在差太多了!

收費已經比較貴,料金需要1800yen之餘更要收200yen入會費才可「入住」...
但設備及環境可以用九流來形容...電視不是LCD TV都不打緊,反正我沒打算看...
PC...簡直是上世紀的遺物...別說多開幾個tab,瀏覽一般網頁已經非常吃力...
飲品雖說跟Manboo!一樣也是放題,質素卻差得遠...咖啡不是咖啡...
單單以上幾點,這間自遊空間已經令我有足夠理由black list!有Manboo!的話死都要「入住」Manboo!!!


早上由南松本坐一個站到松本,轉松本電鐵到新島々,再轉巴士,花了大概一個小時左右就到達上高地。

我house的housemate一直跟我說上高地是全日本最靚既地方,一直都不以為意,
誰知一到達後,馬上被那裡的景色迷住了!
到底那裡是阿爾卑斯山?還是日本?我倒有點分不清...
對,這裡是日本北アルプス(北ALPS),不是瑞士ALPS...但感覺還真微妙...
踏入盛夏,山上的雪已經全融掉,但仍無損當地既景色,強得過份!
天氣嘛,盛夏也好,溫度仍然維持於18-20度左右,非常清涼,河水更是冰涼,
赤腳走進去的話,都忘了當時是夏天的說! (同日松本可以39度!!!!)

大正池及燒岳

大正池及穗高連峰

河童橋以及穗高連峰

沿著路由大正池開始走,一直走到河童橋花了超過一個小時!
實情時間是不用花得那麼多,可是...難得景色出眾,還是要好好享受!
原先還以為可以一口行盡整個上高地,可惜花了太多時間才行到河童橋,明神池只好放棄...
我就跟自己說我就要多來一次,現在有藉口了! 
(其實我非常之唔想走,不知幾想留喺果度做飄零燕算數...lol)

離開上高地後回到松本,趁回東京前有點空閒時間就走了去日本三大國寶之一既松本城看看。
咦?國寶?咁細座???入唔入去就...自行決定啦下,我就無興趣啦...lol

晚上既國寶

回到東京之後,今年既夏季青春18亦都告一段落。
想起來青春18這件事真係令人又愛又恨!搭普通列車係就係辛苦,不過沿途可以結交不同既朋友亦都係最有趣既地方!
再講,亦都係最經濟實惠既遊日方案,只要你時間多,真係可以單憑1-2套飛去好多地方!

終於都滿印了!值得紀念!

所以嘛,只要冬季青春18一展開,我肯定我會採用相同方案!屆時就不再是向北走,而是向南走直到九州了!!!
既然都決定了要做這件事,咁遠距離既旅程,我諗而家都係時候開始plan下啦!XD