沖繩狂食自駕豪華遊 - (1)沖縄本島那覇市

自從TXB播放了「戀戀沖繩」之後,遊沖繩既港人大幅上升!
到達之後不難發現身邊多了不少講得「一口流利廣東話」既港人,有感猶如身處東京一樣,證明沖繩今期大熱!
自己屋企人也不例外,我同老媽一樣,本身一直都好想去沖繩玩幾日,享受下陽光與海灘,只是一直都冇機會,
既然我現時身在日本,又碰巧18-20/9日本三連休,用不著專程請假收少幾日人工(都請了一日...),
即管跟我媽,外婆及表弟出發,我就在沖繩跟他們會合!

踏入九月,實情係沖繩既台風季節,少不免會擔心當地天氣狀況。
可恨既係出發前幾天突然來個台風11號,擔心得要死,最後個風走左去台灣,沖繩一直陽光普照,算好彩吧!
(雖說貴人出門招風雨,但既然去了一個陽光與海灘既地方,冇理由少左陽光lol)

由東京羽田直飛沖繩那霸大概需時2個小時,航班也不少。
假如早早預訂的話可享「旅割」/「前割」優惠,除時來回3萬yen就可以解決機票問題!
個人建議要是決定了行程,一早預訂機票的話,就請集中火力於JAL及ANA這兩間航空公司好了!
Skymark...沒甚麼大問題...容後再說吧...
我今次去時可是選搭JAL,實情價錢一樣,只不過要遷就家人到達既時間...

第一次坐日本既國內線,才知道由到達機場直至上機那一刻都極為方便快捷,始終冇海關,過程只需15分鐘!
機上仍然提供飲品,個人認為這是一定的,不過JAL卻沒有小食提供,失望到想死...lol
JAL Official Website: http://www.jal.co.jp/
(聽聞ANA有小食提供的,聽housemate講因為JAL近年生意非常差,接近倒閉既地步,所以甚麼都開源節流...)
眼光光過左兩個小時後,橫越了日本整個本州,總算到達令我嚮往已久既沖繩,那霸!

基於到步時都已經17:00有多,到酒店(今次住沖縄ワシントンホテル)跟家人合流整頓好行裝都已經18:00,
所以今晚既節目問都唔使問,一定係落国際通り消費!
今晚唔集中火力燒錢的話,之後幾日仲可以去邊度燒?lol
別說我了,我家向來消費力強勁,4個人去到国際通り只是單單一間賣手信的店已經花費了萬多yen,買了兩大袋!

無他,全條街都只是單一系列的手信鋪,如同你於MK波鞋街一樣,全條街既鋪咪又係一樣,全條街得果三個老闆...lol

跟據我手上各本沖繩旅遊指南所說,間間鋪既售價都係一樣,只是擺位唔同,所以不用花時間格價了!XD

去到沖繩,晚餐少不免要去一次居酒屋一嘗各類沖繩地道美食。
今次就去了於るるぶ2011沖縄ベストセレクト內也有介紹的民謠居酒屋地酒橫丁,體驗一下民族風情,邊看沖繩既傳統音樂表演邊品嘗美食。

其實價錢算不上好貴,只是要注意的是入場未食位位已經要比1050yen charge,為表演既收費。
雖說算不上非常貴,但你一大班人去的話張單你會看到相當嚇人...
我一定四口埋單12000yen,有三份一去了表演上,其餘的就是去了肚裡的,除開位位2000yen實屬超值!

沖繩出名苦瓜,這個ゴーヤーチャンプルー意外地不錯,苦瓜唔苦只有甘味,連平時受唔到既我都食!!!

繼苦瓜炒之後最好食就要數這個ソーメンチャンプルー,即炒素麵,一d都唔dry唔齋,推介!

這個我忘了名字...

塩燒島豚アグー,1800yen一份,食完就知點解!

呢個就係官恩娜食完都話要為左佢再去一次沖繩既豆腐,奇在質感似食布甸,實情係豆腐!

沖繩獨有既啤酒オリオン(Orion),假如鐘意飲朝日既,我估9成都唔會鐘意淡如水既Orion...lol

當然,反正人一世物一世,這類表演都只會欣賞一次,即管見識一下吧!
即使你選一些沒表演的居酒屋,店員也會跟你說每位一定要叫一杯飲品,不論平貴,計落其實也差不多...
這就是日本居酒屋的不明文慣例,注意好了。
沖縄地酒橫丁: http://www.zizake.co.jp/