青春'24'東日本及北海道電波之旅之東北篇 - (1)青森

實話實說,雖說的確有去過青森,但每次落車遊覽都只係為轉車而kill time...
冇辦法,青森可是來回本州與北海道既中轉站...每次到達都已經係晚間時份...
所以每次都只能於車站附近的景點閒遊,確實地遊覽欠奉,實屬走馬看花...
(幸運地早於第一日於這裡轉車時遇上花火大會,非常熱鬧,而煙花既規模明顯地比東京隅田川大及靚得多!)

原定計劃係打算到達後的翌日一早去十和田湖及奧入瀨溪流遊覽,
奈何眼見秋田附近將會打風兼落大雨,加上想cut走一日行程比多一日時間自己休息之後再返工搵銀,
所以到最後都係忍痛,臨時cut走青森秋田既行程,唯有下次再去...
我都知非常可惜,難得去到,但認真冇辦法,公司放暑假既日子不多,要是我還是學生的話就唔止玩一個星期,而是一個月!!!lol

說到食,青森除了出名青森蘋果之外,就一定非ホタテ(帆立貝,即帶子)莫屬!
車站附近剛好有一間看似頗有名的ホタテ專門店,雖然門面一點也不奢華,但勝在有內涵!
一間餐廳的好與否最重要都係食物質素,而非門面嘛。
而這間專門店的價錢亦非常大眾化,一個ホタテ丼(有兩粒帶子)都只係賣750yen!
(比幾廿蚊就食到帶子飯,仲想點!!!)

別以為夠平質素就有夠差,我可以話質素絕對跟價錢不成正比!
我到而家都唔明點解粒帶子真係特別鮮甜而非行貨!!!
難道於盛產地食新鮮既真係唔同d???XDDD

當晚跟旅途上認識的美女(?)唱K之餘,亦於車站附近的公園把酒暢談至深夜,意外地暢快!
但奇景奇在...那裡的公園未免太多無家可歸,入夜後相繼到達「check in」的露宿者吧...
當中還有一個當正公園的bench是自己家裡的床一樣,逐件衫逐件衫的脫去,
脫至只剩下boxer就橫躺下來,拿出手機來把玩...(喂!我說啊,露宿者也有手機嗎?)

雖然不久後有警察來趕走那個露體狂,但...沒法,這裡就是日本...this is life...lol