周遊列國．小眼睛看大世界．我在日本的365天工作假期

來日本工作假期既朋友,租到地方安頓好之後總會有額外既慾望。 例如一個人寂寞時電視的確係最佳既好朋友,不但可以當作一個娛樂,亦可以強化日文,簡直係晚上kill time最佳活動, 但可恨並非所有人都可以好彩租到一個有電視提供既「單位」。 雖說Shareplace一定設置了一部電視於common area,總不能每晚都不理其他人意願,坐在電視前只看自己想看既節目。 （特別有迷開某些明星既時候,例如J家的,節目特多...） 買一部二手電視的確係一個解決方案,但二手都好對應地デジ（即係高清）都價值不菲... 買analog本應是一個既平又不錯既方案, 可惜因為2011年開始日本將廢棄analog轉播既關係, 幾可肯定analog電視將被淘汰,買了回來到時想送比其他有需要人仕都冇用, 最慘係棄置時要比數千yen回收費,簡直係「執條頭繩累副身家」！ 要是不怕畫質比較差又看得比較辛苦的話,手機的1SEG是唯一最方便既解決方案！ 又,要是你本身有iPad既話,那恭喜你了,比起手機,你多了一部10吋大既手提電視！ 最近Buffalo推出了一個iPhone及iPad專用的1SEG tuner,替蘋果既產品增加一個1SEG功能。 輕巧既設計加上iPad既流動性,簡直要用天衣無縫來形容！ 用法亦相當簡單,買了tuner回來後,於 日本 iTunes Store下載Buffalo自家推出的「Buffalo 1SEG」application再裝上iPad（或iPhone）, 將tuner接上蘋果既產品,運行其application,進行簡單既日本地區選項設定後,iPad馬上就變成一部流動電視！ 個人則試後畫質不算差,是可以接受的,亦頗流暢,字幕on/off亦對應,可以話學日文一流。 有左佢之後,生活馬上變得冇咁乏味,亦用不著一定要坐在電視前,你喜歡的話躺在床上也可以！ 至於這個tuner既優點除了輕便之外,最厲害係內藏電池,一定不會消耗iPad本體既電量。 雖然續行時間叫做短,大概2-3個鐘已經玩完,但只需叉30分鐘左右大概已經回復50％以上電量,相當不俗！ 缺點嘛,價錢比起其他電腦用1SEG tuner較貴,接近一倍！ （各大電器連鎖店正在賣9980yen之際,日本amazon只售8527yen兼免運費！） 而且只限日本地區,其他國家都係得物無所用...

今年冬季燈飾既最後一站選址恵比寿ガーデンプレイス,實情呢個決定非常random。 記得當日因為係平安夜前一日,日本當日為紅日公眾假期,正好打算去代官山行個圈「消費」下。 而友人因為想出去影相既關係,於是決定近近地行完代官山就行落恵比寿好了。 反正睇過六本木Midtown的Starlight Garden之後,自然覺得其他的都好普通,睇夠了...lol 睇下,係咪好表參道呢？XD 所以我話,經過六本木Midtown既洗禮之後,覺得呢類燈飾真係好小兒科。 當然有更多更厲害既喺日本各地,只係我真係冇時間去... 不過你問我下年再揀邊個睇既話,如無意外我應該會好直接答你:「六本木！」 黎旅行既話,更係揀個最好既黎睇,慳返d時間去行街啦下話！XDD

以東京既冬季燈飾來說,個人首選之冠肯定係六本木的！ 規模算不上很大,但勝在夠花心思,而且有gimmick,絕非只是堆砌一大堆燈泡那麼簡單！ 但hills跟Midtown相比的下,hills的還真遜色...沒法,我想主力都放到Midtown去了。 先看看簡單到極點的六本木hills: 是否太過單調呢？ 再來就是主打,六本木Midtown的: 這個名為"Starlight Garden"既燈飾並非單單砌一大堆燈泡出來咁簡單,而係有表演睇架！ 單單開催場所既入口已經比六本木hills勝一籌,再加上燈飾既精彩演出,難怪所有人都一窩蜂擁到Midtown... 要注意的是,hills與Midtown既位置可以說是一東一西,所以別搞錯！

基於我住在附近既關係,早於燈飾開催前就收到區內的有關宣傳單張。 單看宣傳單張少不免會被其美化了的燈飾所吸引！ 既然只係兩個車站而已,於是就跟友人出動去睇燈飾兼玩下影相。 以「鄉郊」地區既小型公園燈飾來說,規模已經相當不錯！當然實際情況跟宣傳照又係兩回事。XD 只係基於環保問題,這個光の祭典到了每晚21:00就一定會熄燈,某程度上來說會有點不便。 （已經碰過一次釘,21:15來到漆黑一遍...lol） 唯一不便的是,開催場地離車站算遠,步行的話需時10分鐘,附近亦只是一個住宅區,所以沒指示可言的。 住附近的話,食飽飯冇野好做的確係一個唔錯既飯後活動,老遠走去的話,可能會失望而回都未定。 沒法,「光の祭典」這個名未免改得太吸引了吧...lol

相比起其他各大illumination spot,表參道的只可算是例行公事。 不過可能因為天氣及氣氛問題,總覺得兩旁加上燈飾後既表參道其冬季氣氛都比較強。 莫非真係「隔離飯香」？lol 除了表參道外,表參道hills及Laforet外都有聖誕裝飾,行街必經！ 望一望感受下聖誕氣氛也不錯,總比不段無止境地Window shopping好吧,多個免費的節目！XD

步入冬季既同時,亦都係聖誕節這個普天同慶既日子將近之時。 燈飾亦係冬季例行既重頭戲,於是就走訪東京及近郊既地方看看日本既燈飾有多厲害及創意。 (至少比HK的較花心思及大規模吧...) 第一擊就跟友人去了位於神奈川県相模湖,號稱設置了関東地區最大級illumination既相模湖リゾートプレジャーフォレスト賞燈。 基於第一擊就跳出了東京既關係,路途遙遠,坐中央本線都要過了高尾後一個站去到相模湖站下車, 到達後還要轉乘當地那班次說不上密,車程需時10分鐘既巴士才到達。   說穿了其實就是燈泡數目多,達2百萬個！ 但感覺就是被網站的圖片騙了一樣,有點差距...lol 500yen入場費來說還過得去,要不是圬點偏遠的話倒可去一看,但相比起免費的六本木就...哼哼... 相模湖リゾートプレジャーフォレスト:  http://www.sagamiko-resort.jp/illumillion/index.html ＊要留意的是500yen入場費是5pm後的收費,早於5pm入場的話可是1400yen啊！  

自問而家在打工的公司真好,event特多! 除了早前既展覽會慰勞宴,保齡球tournament以及久唔久跟老細既例行飯局之外, 剛於昨天(3/12)公司又於田町JAL City Hotel設宴,提前舉行年度聖誕晚會。 對於聖誕有排都未到就搞party,我實情覺得幾難理解, 但礙於公司踏入年尾都會極忙之故,提早舉行都未嘗不可,只係覺得有失意義... 所以,就當annual dinner又或者忘年會來看待吧。 實情公司搞親party對我來講都係一個字:食! 正好今晚既膳食係buffet,酒水亦都係任飲,當然如狼似虎不斷圍攻! (都已經唔想理自己著到幾咁隆重,儀態及manner等事食左先算啦!) 可恨既係,日本既所謂buffet未免有點兒那個...並非難食,而係唔會refill...大開眼介...=.=" 亦因為咁,永遠女人就特別精,開波就搶甜品,害我咁老定坐定粒六,到頭來都係一場空... 意外既係今晚大型晚會並非只有大吃大喝,還有不少遊戲。 咦?今次又食又拎wor! 正宗有獎抽又有女溝! lol 個人倒是欣賞來到party後各人已經不分階級,上至老闆下至最低層的都與民同樂,無分比此, 這亦都是本公司既其中一個優點,叫做比較國際化。 難不成開party都要拘謹,那就不再是一個party了! 當晚遊戲是分group進行,有玩體能(這擺明為我而設,硬要頒裝比我都冇法), 有玩演技,有玩手藝,更有團體動作題等等,活動可謂應有盡有! 除了勝出的一組有獎品外,各項目都會有MVP獎項! (再一次證明擺明是為了我...lol) 小弟理所當然是體能系得獎者吧,對,是理所當然!對著一班叔父輩都要輸的話成何體統! lol 最意外係MVP獎除了一份包裝極為精美既禮物外,仲有一張由JAL City Hotel送出的雙人套房連膳食voucher! 喂,那豈不是比總冠軍的獎品更吸引?!可惜...我向來都冇呢種運,有既只係一個吉既信封.../.\ 整個party完結前還有例行encore項目,就是老細自掏腰包的一萬yen現金獎,用全場猜包剪鎚既方式爭奪。 又係果句,10000yen又係跟我無緣,入了三甲就輸了... 但後來還真慶幸我沒抽到這10000yen,因為...會被強迫性嘔返出來作二次會唱k之用 lol (我有諗過假如我得手既話邊個

由大阪回到東京的當日清晨,個人繼續挑戰極限,一於上高尾山一轉,看看這個東京紅葉熱點既紅葉。 基於高尾山不算遠,而且山不算高兼沒甚麼難度可言,所以很受一家大細歡迎,實行週日家庭樂。 當日我選了最難行既稻荷山course作來回(攻陷富士山後沒選易行既理由 lol),可惜這course紅葉欠奉...只欣賞到山腳及山頂的... 假如以行山為目的既話,這條路的確挺舒適＜---極為沒參考價值既一句! 要是對自身體能沒信心又或跟另一半來的話,首推有cable car坐的路徑,再走上山頂都花不了多少時間。 但要注意,假如於紅葉期或其他high season去高尾山的話,有心理準備當日將會水洩不通,不管哪一條course都會有相同情況。 可行的話個人建議清晨就好去出發! 以我當日所見,我08:00上山,人還不算多,但10:30回到山腳時,上山路段已經去到塞人既情況,要排隊上山。 至於等待cable car的更多人到出現長長人龍,蛇餅... 想想看這個情況,上到山頂會是一個如何既景象... 當然,首選還是平日時間去會比較理想,但假如真的沒法,只有週末時段的話,那沒辦法了,犧牲一下,最遲08:00好上山了,否則那就不再是享受,只有忍受...lol 高尾山公式page: http://www.takaotozan.co.jp/index.htm

其實我去這兩個地方跟紅葉是完全沒有任何關係。 只不過一來近,這兩個地方都位於京都隔離。 二來車程也不費時,由京都去奈良以及奈良去大阪每程都只是45分鐘左右。 那既然一場去到,即管去行一行! 奈良嘛,周圍也是鹿就是其特式,這亦是我去奈良既目的。 雖說好想行上春日大社,奈何未夠5點天已開始黑,不得不放棄... 結果今次去到就真係只能於奈良公園散步,跟小鹿玩下遊戲 lol 入夜後就由奈良走到大阪難波,去吃個晚飯,於心齋橋行個圈才坐夜巴回東京。 實情這躺就是應朋友要求專程去買那個只有大阪才買到,看似挺有名既りくろおじさん芝士蛋糕。 (事前我可以沒想過要去大阪的!) 去到難波店後,發現店外排了一條長長既人龍,摸不著頭腦...就當我孤陋寡聞好了... 試食過後,我想我知道要排隊及只限買兩個既原因了,果然鬆軟香口, 而且因為不斷在賣既關係,亦保證個個都是新鮮出爐! 既然山長水遠來到,而且一個大大個都只是588yen,不用考慮,買兩個好了!!! 至於晚餐,一口氣吃了章魚燒及拉麵。 前者食了本家日本一大たこ,算不上非常特別,也非特別大粒,吃過就算了。 至於拉麵嘛,七年前已幫襯過金龍,印象不太好,於是今次就試了朋友介紹的神座,還不錯。 實情東京已有分店... 個人挺喜歡神座的湯底,雖說都只是醬油底,但見他是一碗一碗即時加菜煮出來的,比就這樣將老早煮好既湯倒落碗度來得好!

有說京都府嵐山既紅葉是日本首位既紅葉名所(這點我都只是於網上看到), 於是就決定於上週週末以玩命方式,隻身來個即日來回既賞葉之旅。 至於如何玩命...為了省卻住宿費用加不太想請假既關係,行程是這樣... 19/11 晚上乘夜行巴士青春Dream直到京都 20/11 6am到達京都,開始了催殘雙腳既行程,大半天都在京都散策,接著還去了奈良及大阪難波,同日晚上於大阪再乘夜行巴士青春Eco Dream回到東京 21/11 大清早到達東京,再上高尾山加行了一整日街... 以上行程完全跟挑戰體能極限沒有任何分別,但還挺有意思,試一試無妨,這就是所謂既青春了 lol 實情以上方案來回東京及大阪的交通費不算貴,都只是8820 yen,不過就要有心理準備坐青春Dream這7-8個鐘頭裡面係訓唔到覺... 有這個覺悟的話基本上問題不大,但留意,青春Eco Dream比青春Dream係更加痛苦坐位更加窄!青春就是要體驗!XDD 好了,廢話少說,去相! 嵐山渡月橋 未全染紅既保津川,有點失望... 嵐山公園內既竹林之道 嵐山公園 嵐山小火車,雖然貴,單程600yen,但都值得一坐     哲學之道 円山公園   祗園八坂神社 不用介紹,清水寺 當日於京都既行程大概如下: 嵐山--＞平安神宮--＞哲學之道--＞円山公園--＞祗園--＞清水寺 期間除了由京都站去嵐山,由嵐山去平安神宮及清水寺回到京都站之外,其他全部都係用行的。 假如知道自己雙腳承受不了的話,那就花500yen買張一日巴士卷或者比600yen買張地鐵一日卷好了。 跟據我個人經驗說,最好買pass吧,雙腳真的不好受,即使點對點大都只是15分鐘以內既行程,但感覺比想像中要遠...lol 雖然雙腳真的被催殘,但覺得還是值得一去,至少古都配紅到像流血一樣既紅葉,答案就是美。 錯過了就要等下年啊! p.s.當日既午餐於京都既壹錢洋食完事,個人認為除了店內既「黃色」裝潢以及menu只有一款食品供應這點比較特別之外,實際上...試過就算了...lol 看到有甚麼特別嘛？lol 唯一提供既食物,算是お好み焼き類吧？不能說很特別 lol