周遊列國．小眼睛看大世界．我在日本的365天工作假期

話明係自駕遊,踏入旅程既第二日亦都係時候攞車,駕車離開那霸北上既時候。 於是一早於酒店享用過豐盛既早餐後(好耐冇食到咁飽...lol), 就走到酒店附近的マツダ(Mazda)久米店取事前於網上預約好既租車。 租車過程其實相當簡單,只要於相應既Rental Car公司做網上預約即可。 特別係沖繩,不同公司於不同時期總會提供租車優惠。 如今次萬事得於網上就提供了9月份沖繩租車折扣優惠,優惠高達45% off,接近半價!!! 只要於萬事得既rental car網頁登記成為Web會員(這個需要日本住址),即可以55折既優惠價租車, 即使不是Web會員同樣也享有6折優惠! 以今次為例,我於網上租了一架1500cc既車,2日半只需11xxx yen而已,4人用的確非常便宜!!! 預約萬事得,卻得來一架日產Note?lol (實際上於沖繩可以話非租車不可,除了那霸市內既Monorail,公共交通罕有得可憐...) HK的只需手執HK的及國際駕駛執照,另加護照即可! 取車過後就馬上向北走!首站原定為世界遺產之一既首里城,可惜因為停車場已滿,冇位停,暫且放棄... (這點是唯一一點租車令人煩惱既地方,但只要遠離那霸問題實屬不大) 於是就沿著近來試驗 無料化既高速公路 一直走到屋嘉IC,再轉出万座毛。 自駕的話車程絕對少於一個小時,只要你夠膽於高速飛130km/h就可以了!lol 愉快既飛車之旅 雖然近來正在實施高速無料化,但過閘時記得停車取通行卷 万座毛 出發來沖繩前亦於網上預約了青の洞窟シュノーケリング(浮潛)体驗,遊覽過万座毛後就駕車前往位於潛水聖地, 真栄田岬附近的マリンクラブナギ準備一切。 聽過導師簡單的講解,換好潛水衣,付了款(這個好重要!XD)過後,一組8人既浮潛小隊就馬上向藍洞出發!!!(主張小班的) 我係一個識遊水但冇潛水牌既人,竹5以非常想玩既潛水我無能為力...今次亦係第一次玩浮潛,倒是有點興奮! 除左可以跟熱帶魚玩之後,藍洞就是今次最重要既節目! 只是想也沒想過,洞...並非潛入去,而係行入去,最後才是潛回起點...lol 要行,仲要爬...我回想起富士山...lol 當日說穿了就是假期,多人到喊...有想過浮潛睇藍洞都要排隊嗎?不過倒是非常值得! 連沖繩真栄田岬的藍洞都看過,加上意大利

自從TXB播放了「戀戀沖繩」之後,遊沖繩既港人大幅上升! 到達之後不難發現身邊多了不少講得「一口流利廣東話」既港人,有感猶如身處東京一樣,證明沖繩今期大熱! 自己屋企人也不例外,我同老媽一樣,本身一直都好想去沖繩玩幾日,享受下陽光與海灘,只是一直都冇機會, 既然我現時身在日本,又碰巧18-20/9日本三連休,用不著專程請假收少幾日人工(都請了一日...), 即管跟我媽,外婆及表弟出發,我就在沖繩跟他們會合! 踏入九月,實情係沖繩既台風季節,少不免會擔心當地天氣狀況。 可恨既係出發前幾天突然來個台風11號,擔心得要死,最後個風走左去台灣,沖繩一直陽光普照,算好彩吧! (雖說貴人出門招風雨,但既然去了一個陽光與海灘既地方,冇理由少左陽光lol) 由東京羽田直飛沖繩那霸大概需時2個小時,航班也不少。 假如早早預訂的話可享「旅割」/「前割」優惠,除時來回3萬yen就可以解決機票問題! 個人建議要是決定了行程,一早預訂機票的話,就請集中火力於JAL及ANA這兩間航空公司好了! Skymark...沒甚麼大問題...容後再說吧... 我今次去時可是選搭JAL,實情價錢一樣,只不過要遷就家人到達既時間... 第一次坐日本既國內線,才知道由到達機場直至上機那一刻都極為方便快捷,始終冇海關,過程只需15分鐘! 機上仍然提供飲品,個人認為這是一定的,不過JAL卻沒有小食提供,失望到想死...lol JAL Official Website:  http://www.jal.co.jp/ (聽聞ANA有小食提供的,聽housemate講因為JAL近年生意非常差,接近倒閉既地步,所以甚麼都開源節流...) 眼光光過左兩個小時後,橫越了日本整個本州,總算到達令我嚮往已久既沖繩,那霸! 基於到步時都已經17:00有多,到酒店(今次住 沖縄ワシントンホテル )跟家人合流整頓好行裝都已經18:00, 所以今晚既節目問都唔使問,一定係落国際通り消費! 今晚唔集中火力燒錢的話,之後幾日仲可以去邊度燒?lol 別說我了,我家向來消費力強勁,4個人去到国際通り只是單單一間賣手信的店已經花費了萬多yen,買了兩大袋! 無他,全條街都只是單一系列的手信鋪,如同你於MK波鞋街一樣,全條街既鋪咪又係一樣,全條街得果三個老闆...lol 跟據我手上各本沖繩旅遊指南

早於上個月,大約8月27日既晚上,小弟有幸被邀請接受信報的訪問,分享一下有關港日工作假期既事宜。 (實情係友人知我比較空閒才叫我去...lol) 報道總算於上星期二見街了,在此轉貼一下原文。 (可按圖放大) 信報 九月二十一日 頭陣日本工作假期中場檢討 時近午夜，位於東京銀座的快餐店LOTTERIA 人客不多。三個香港人圍坐一桌聊天。職員小姐面帶職業性笑容，徐徐走來，說抱歉，我們就要打烊了。「あ、すいません。」（呀，對不起。）Calvin 應道。Calvin 戲稱自己為「白老鼠」， 「行先死先」，因為他是赴日工作假期的首批港人之一。同桌的二人，一 個是筆者，一個則是另一女性「白老鼠」Prema。 一如方才所見，Calvin 懂說日語。來日前他已考取日本語能力試二級資格。「不過其實二級都無用，只能夠簡單溝通啦。」他說。難怪坊間打趣，即使考獲最高的一級資格，也不過是個 「啞子」，只懂聽不懂講。日本語能力試不設口語考試。倘Calvin 是「行先死先」，那Prema 應該會「死得更快」。她來日前完全不諳日語，引她的話自己是「盲中中，唔知死走來日本」。 務求見盡重要祭典 假 如讀者諸君有留意今年2 月日本工作假期的新聞，應會知道當時競爭激烈，三百三十三人爭奪一百二十五個名額。申請者須撰文表述申請原由，香港日本總領事館總務部長高田真里說，參加 者要獲選，必須「有心，理由能感動人」。 審批結果揭曉後，日本領事館邀請六位具代表性的青年出席記者招待會，詳述申請經過。Prema 正是當時其中一人。Prema 熱愛日本祭典，申請簽證前大量搜集相關資料，詳細計劃一年中的行程，務求見盡日本重要祭典。這便是高田真里口中「能感動人的理由」一例。 「來 日本兩個月，只有兩次祭典沒去成，其餘都在計劃之中。」她說。「每當我告訴日本人我的大計，他們總是很訝異，說我在國內到過的地方比他們還多！」 「日本人都是這樣啦，住東京就只管留在東京，很少去國內其他地方旅遊，最多也就飛到北海道度假。」Calvin 應答。 「印象很深刻的是青森縣的八戶三社大祭。八戶市不算旅遊區，祭典的參加者大部分是本地人。典禮期間有花車巡遊（日本人稱為山車），有人打太鼓，有人吹笛， 場面熱鬧極了。」 「最令我感動的是，無論老幼都很享受祭典。圍觀者情緒也十分高漲，又拍手又大叫，還會

去完黑部之後的那天,一早就出發去了於松本附近的上高地。 去之前那一晚則於南松本的漫畫cafe - 「自遊空間」渡過了一個非常差勁既晚上! 原因?自遊空間比起Manboo!實在差太多了! 收費已經比較貴,料金需要1800yen之餘更要收200yen入會費才可「入住」... 但設備及環境可以用九流來形容...電視不是LCD TV都不打緊,反正我沒打算看... PC...簡直是上世紀的遺物...別說多開幾個tab,瀏覽一般網頁已經非常吃力... 飲品雖說跟Manboo!一樣也是放題,質素卻差得遠...咖啡不是咖啡... 單單以上幾點,這間自遊空間已經令我有足夠理由black list!有Manboo!的話死都要「入住」Manboo!!! 早上由南松本坐一個站到松本,轉松本電鐵到新島々,再轉巴士,花了大概一個小時左右就到達上高地。 我house的housemate一直跟我說上高地是全日本最靚既地方,一直都不以為意, 誰知一到達後,馬上被那裡的景色迷住了! 到底那裡是阿爾卑斯山?還是日本?我倒有點分不清... 對,這裡是日本北アルプス(北ALPS),不是瑞士ALPS...但感覺還真微妙... 踏入盛夏,山上的雪已經全融掉,但仍無損當地既景色,強得過份! 天氣嘛,盛夏也好,溫度仍然維持於18-20度左右,非常清涼,河水更是冰涼, 赤腳走進去的話,都忘了當時是夏天的說! (同日松本可以39度!!!!) 大正池及燒岳 大正池及穗高連峰 河童橋以及穗高連峰 沿著路由大正池開始走,一直走到河童橋花了超過一個小時! 實情時間是不用花得那麼多,可是...難得景色出眾,還是要好好享受! 原先還以為可以一口行盡整個上高地,可惜花了太多時間才行到河童橋,明神池只好放棄... 我就跟自己說我就要多來一次,現在有藉口了!  (其實我非常之唔想走,不知幾想留喺果度做飄零燕算數...lol) 離開上高地後回到松本,趁回東京前有點空閒時間就走了去日本三大國寶之一既松本城看看。 咦?國寶?咁細座???入唔入去就...自行決定啦下,我就無興趣啦...lol 晚上既國寶 回到東京之後,今年既夏季青春18亦都告一段落。 想起來青春18這件事真係令人又愛又恨!搭普通列車係就係辛苦,不過沿途可以結交不同既朋友亦都係最有趣既地方! 再

爬完富士山後的那個週末,見雙腿復原了,加上離夏季青春18完結的日子不多, 於是馬不停蹄又出發找地方去遊歷,燒埋張青春18剩餘 的兩格! 立山黑部向來都係我最想去既地方,亦都係我首選! 不過眼見要完成整條立山黑部アルペンルート(單程)得花費超過一萬yen, 而戶口既水水亦都接近乾塘,確實不得不打退堂鼓...於是次選了上高地... 問題係...其實上高地離黑部不遠,兩者都要在松本轉車,於是那個週末就用了最平既方案, 一口氣去了富山縣既黑部水壩及長野縣既上高地!!! 本想放棄立山黑部,但上官網一看發現黑部ダム的排水時間為6月26日至10月15日,即是說非去不可! 反正想看室堂雪牆的話就要等到4月,既然要去多次,死就死!!! 在此介紹一下黑部ダム: 黑部水壩位處立山既海拔1500m,高186m,為日本一Archer式水壩! 其興建過程亦甚傳奇,動用了1000萬個人既人手,不眠不休日夜趕工,以當年既技術來說只花了七年時間就完工實在超速!!!  黑部ダム慰靈碑 因位處立山連峰既關係,可看盡日本北アルプス(北Alps)及黑部湖。 而其排水時既景像甚具迫力,魅力非凡,風景亦都非常一流,不愧為北Alps,自問為去到日本必要去既景點之一! 有趣的是除了遊覽車外,那裡還是有點活動的,就是找印章! 找齊10個分佈於黑部ダム周圍的印章,印滿pamphlet內的空格後就可到精品店換取紀念品。 紀念品有兩個選擇: 1)立山黑部的相集, 2)黑部Trolley bus磁貼 基於後者看起來很化學,亦沒甚麼特別,於是我就選了相集,還不錯的! 有興趣的話還可去食堂食個黑部ダム咖喱,是否非吃不可就見人見智,只係將食材砌了一個黑部ダム出來就收你1000yen...lol 當時看到立山ropeway的live tv,看到室堂及大觀峰的即時影像後,不禁有衝動上去,個景太靚!!! 但真係好可惜...冇銀...唯有下次好了...T.T 有關詳情可瀏覽立山黑部Alpha route official site。 立山黒部アルペンルートオフィシャルガイド: http://www.alpen-route.com/index.php

位於愛知縣既名古屋因為離三重縣既伊賀非常近,大概只有一個小時車程左右, 反正都回不了東京,於是就走到名古屋遊覽一下,並於那裡留宿,當作中途站。 (GAG:名古屋比HK人既感覺就係...麵包鋪...lol) 為了省錢,當晚去了車站附近的漫畫cafe - Manboo!留宿,亦是我第一次於漫畫cafe過夜, 以1600yen 8個小時來說環境意外地相當不錯! Pair room面積算大,非常寬闊,亦有大呎寸既LCD TV加一部算新既PC供使用。 最重要係有飲品放題(咖啡,汽水等等任飲,任君選擇,不另收費!)以及免費沐浴服務(提供毛巾及hair dryer!), 從此,我再找不到予約hostel以及backpackers的理由! lol Net Cafe MANBOO!:  http://www.manboo.co.jp/ 留在名古屋的時間不多,於是晚上入住Manboo!之前就於名古屋內四處逛。 想不到由車站行去電視塔頗遠...來回花了一個小時...  最無奈係...點解座電視塔跟札幌果一座完全一樣?而且其公園亦跟札幌的一樣,叫做大通公園...lol 附近的城市規劃亦令人有點熟悉,就是因為又跟札幌一樣嘛...榮區那邊的商場又有一座摩天輪... 唯一不同的是人流比札幌多,始終名古屋也是一個大城市... (我個人向來認為只要有首都高速的城市都是大城市,日本就有三個,東京,大阪名名古屋lol) 除此之外,車站的又有座JR Tower,不同的是名古堅的是打孖的!lol  到了大白天當然要去名古屋城,尋找德川家康的足跡,規模絕對拍得上小田原城!!! 準備維修...近來日本不少名城都開始進行保養工程,注意... 除了遊覽外,名古屋亦都有不少出名既美食,當中要說的一定是名古屋特有的味噌(麵豉)! 於是於名古屋所吃的三餐都跟味噌有關...實行做一個名古屋人,唔濃味都唔食! 我就係唔明點解名古屋既味噌比正常的冇咁咸,但又可以咁濃味呢? 首先,我既名古屋味噌初體驗係比左呢間玩食音,位於車站內既「なごや」名古屋拉麵! 亦係第一次體驗到比正常味噌冇咁咸而濃度仍然維持到既感覺,從此愛上!!! 接著就係非常出名,連るるぶ都有介紹既山本屋本店既味噌煮込烏冬! 別看它細細煲收你1200yen以為食唔飽,因為配菜係免費再加既關係,基本上係想像之外