白銀山形溫泉之旅 - (下) 蔵王樹氷,山形ローカルフラワー鉄道, 秘湯白布溫泉

進入旅程的最後一天,早上05:00起身再享受多一次露天溫泉後就再一次出發攻上蔵王山頂看朝早的樹冰。
配上藍天,朝早的樹冰更顯特出,跟晚上light up的感覺完全係兩個層次。
意外地山頂風很大,就好似打緊10號風球一樣...但這是樹冰形成既要素。

離開蔵王後,第二站就係去山形長井駅搭山形ローカルフラワー鉄道,走到宮內駅探下及親親白兔站長。
實情假如目的係探那隻白兔站長的話,何不直接於宮內駅停車而要搭一轉local線列車?
難道係因為N年前的電影「SWING GIRL」既原故???

旅程既最後一站係位於米沢既秘湯,白布溫泉。
白布溫泉出名在乃係奧州三高湯其中之一。(奧州為現時褔島,宮城及山形等地既古稱,伊達政宗就是奧州筆頭)
泉質為石膏泉,含鈣及硫酸鹽等礦物,所以跟一般的硫磺泉質有分別,硫磺味較少,水質並非滑溜。
今次tour帶我們去的入浴溫泉旅館為東屋,雖然不論內湯還是露天的面積都係非常細,但能浸一個雪見露天溫泉已經非常滿足!

我發覺男人係冇咁鐘意浸溫泉,點解？自己諗下XD

白布溫泉: http://www.shirabu.jp/
白布溫泉東屋: http://www.shirabu-higashiya.com/

享受過雪見溫泉過後旅程亦告一段落。
雖說整個trip只是短短兩日,但感覺卻像過了一個悠長假期一樣,非常非常開心及...瘋狂...lol
(認真,呢個trip真係玩得好～～～～～～～～～開～～～～～心～～～～！XD)
一切有賴兩位同行既tripmate都係玩得之人,即係所謂既「岩channel」,所以旅行真係要睇「腳」。XDD
我成日都覺得出得去玩就係要夠放夠大膽夠大癲大肺,為旅程增加多點樂趣才足以令人難忘,回想起來都開心嘛！Yea, work hard PLAY HARDER！
在此真係要感激兩位一切旅程既安排,以及兩日以來忍受著同一個咁癲既人出trip既痛苦 lol
希望在不久既將來可以再同兩位瘋狂的跳出東京,開開心心的再來個「悠長假期」, Let's get crazy！！！