周遊列國．小眼睛看大世界．我在日本的365天工作假期

時序雖然唔係好岩,但這篇不得不先發,正所謂打鐵趁熱,趁我記憶猶新就好寫左先!!! 但注意,以下經歷及建議因人而異,只供參考,別打算學我做盡一切異於常人既舉動,肯定沒多少人做到,否則...有冇命返落山我不能擔保,亦都不會負責lol 正所謂自己既身體狀況只有自己最清楚,情報收集得有幾多都只係一堆用作參考既資訊,別信得十足十! 所謂萬全既準備,就係過濾所有資訊再因應自己既狀況而調度,準備最適合及自己需要既裝備才是上策,人云亦云絕對冇好處! 要是你膽生毛,又或者自問自身既體質及體能都有異於正常人的話,那可考慮一下跟我一樣玩命, 視這次攻頂為遠足,包保樂趣更多! 好,富士山歷險之旅開始! 先解釋一下富士山既登山路徑。 事實上要上富士山並非只有一條路徑,而是有四條,所以用不著「死人尋舊路」! 當中包括比較近東京方面既吉田口,須走口及御殿場口,以及於靜岡縣既富士宮口。 原定行程要是只有我跟其他HK人齊齊登山的話,定必會揀免麻煩且較近既吉田及須走口。 不過因為今次剛好我house的日本人housemate也說會上山,所以準備既重任就交左比佢地,兼決定行人氣度冇咁高,五合目至山頂距離較短,環境較乾淨既富士宮路線。 (因為吉田及須走口多人,中國人都特別多,全程較污糟,亦都較多「塞人」情況,唔好走...) 於是到左28/8,喺富士山封山前最後一個星期六,日,我地一行七人既攻頂部隊早上於東京站起行, 先坐JR高速巴士去到靜岡縣JR富士宮站,再轉當地既富士急登山巴士至富士宮五合目才向山頂進發! 登山攻頂篇 基於當日不論由東京去靜岡,又或者由富士宮站上五合目既途中都塞車既關係, 即使我地幾早出門口,去到五合目都已經係16:00有多,正式由五合目開始登山時間為16:30... 富士宮五合目既標高位置為海拔2400m,比起其他路線為高。 向六合目進發既路段都非常好走,只是一大段不太斜既沙礫路段,絕對沒有難度可言。 可是,由六合目開始上新七合目時難度一下子向上昇! 除了斜度大增之外,比較平坦好走既砂礫路段已經買少見少,只會見到不少高度參差不一既岩石...真正要爬而並非行... 當時未至於要手腳並用,但已經開始有點狼狽... 走到新七合目的御來光,我地就在這裡稍作停頓,吃個不算太差既咖哩飯兼留宿至半夜才繼續攻頂既! 00:00左右,一行六人整頓好

早於8月頭,公司開始放為期5日既暑假! 基於我跟shareplace既老兄打算去北海道及東北地區流浪一個星期,所以我就額外多請2日假,實行玩足一個星期! 多得青春18及JR東日本．北海道Pass這兩種究極特惠票,我先可以以最平既方法殺到上北海道。 可惜,基於以上票種只可以坐JR既普通及快速列車,急行,特急以及新幹線一律禁止,所以只好於7/8早上05:30一早出發,一口氣直上北海道札幌!!! 既然只可以坐普通及快速列車,到底點樣可以由東京直接上到札幌呢? 我只可以話...轉車會轉到叫救命,路線如下: https://spreadsheets.google.com/ccc?key=0AkPL3XdCxlVYdGtvUWZTbFJ0YmJMVUt0N29aUUoyc2c&hl=zh_TW 對,你沒看錯,總共需時足足24個小時!!! 但勝在夠平...冇辦法...雖然我列了總車資高達17340yen,但因為JR東日本．北海道Pass只售10000yen兼7日內任坐,亦即是說單單這一程已經慳了7340yen!!! 之後的6日內所有車資都是慳回來的錢哦!!! 其實由青森上札幌之前的所有車程都不算辛苦,一來需時不算長,每程一訓醒就落車轉車, 二來非常多使用相同方法,採取相同路線既同道中人於車上,大可唔知醜搭訕結交朋友! (最後識左一班德國人,一個台灣人以及一個內地同胞,日本人欠奉...lol) 唯獨當日去到盛岡時出了點小意外,話說二戶一帶落大雨,IGR岩手銀河鐵道停駛!!! (我到而家仍然好好奇點解IGR要停駛,講緊新幹線仍然運行中,而去青森途中我一滴雨都見唔到...) 只好又比多2950yen坐高速巴士由盛岡直到青森...額外又花了一筆...但慳了點時間... 整整24個小時內最辛苦的一定係由青森直上札幌的急行列車はまなす! 我都想坐呢架スーパー白鳥,但免費區間只有蟹田 - 木古內...唔使諗... 結果係呢架極為舊既所謂急行...辛苦左我成晚.../.\ 指定席就別妄想了...自由席也得補上1260yen特急料金先可以坐,問題係人太多,上車時9成冇位坐! 結果嘛...就係坐兼訓地下足足兩個小時,捱到函館先有位坐,叫做有5個小時比你休息...lol 到左第二朝06:07,總算有驚無險到達札幌...雖然辛苦,但總算是

近來手痕,想開多個category講下日本既「美食」,無論好食與唔好食都好,為的都係想充實下個blog而已(笑),提供更多情報及資訊比其後WH既朋友們。 誓估唔到自己第一篇竟然係寫老麥... 原於眼見近期老麥做這個跳樓promote,於是促進我開這個category... 提供平民化「美食」資訊予各位...等大家可以花最少既錢品嘗最多既日本「美食」lol HK的老麥以陰濕見稱,經常性無意中,唔為意,唔聲唔聲就加左價...但優惠亦唔見得特別多... 結果,HK既老麥變得越黎越貴,幫襯既意慾都大幅減少... (其實我小時候好愛老麥,不過因為後來某些原因而戒了,所以都好耐冇幫襯過...lol) 反觀日本的老麥,久唔久就會推出不少折扣優惠! 雖然大多數都是短期限定,但promotion之多可以用頻密黎形容! 好似近來既10日期間限定,200yen Big Mac我真係覺得係大割引!!! (原價320yen!) 相比起HK既老麥,200yen一個Big Mac(以現時匯率...9算計...)可能仍然較貴,但在日本黎講已經算是跳樓價!!! 所以喜歡食老麥的,請把握這個機會,優惠期至...26/8...即係後日...=.=" (有d遲...) 期間限定200yen Big Mac情報: http://www.mcdonalds.co.jp/menu/regular/bigmac200/index.html   其實日本老麥亦提供不少coupon優惠供消費者下載並使用,比起HK老麥算是有良心得多! 詳情可瀏覽日本老麥coupon頁面:  http://www.mcdonalds.co.jp/mc_club/index.html 日本老麥官網: http://www.mcdonalds.co.jp/index.html p.s.順道一提,臨近中秋,日本老麥將於27/8推出秋分獨有,期間限定既月見漢堡(其實只係加左蛋既漢堡...) 從而衍生了大月見Burger以及芝士月見Burger這幾個選擇,有興趣的大可一試lol 月見Burger: http://www.mcdonalds.co.jp/menu/limited/tamago/index.html

對於不諳日語,又沒太多撥備去買電子辭典,字典以及上日文班的話可以點做? 相信大多都會上網找「免費」教材,甚至瀏覽日語網頁多看,不懂看到懂為止,又或者用網上的翻譯網站吧。 但要是平時於網上瀏覽日語網頁時對成串日文意味不明時,又不想下下上翻譯網站又可怎辦? 請愛用Firefox特有,免費而功能又有夠強大的日英翻譯插件 - Rikaichan ! 可能已經有好多人知道這個插件的存在...只不過我近來才於某美藉的housemate處得知這個Rikaichan插件... 而我見他使用時才知這個插件強得有點過份,加上他極力推薦我用,所以就安裝來用用看,並在此介紹一下。 就如上面提及過,這個插件是用作日英翻譯用的。(暫時未見有日中,但照用吧,就當連英文也一併溫習lol) 效能有多強大? 簡單點說就是,只要你將mouse pointer點到某些字上,它就會自動將你想了解的字以pop up形式徹底翻譯, 當然不止這樣,假如那組字是於句子中的,它還懂得將整句句子分拆,將各組字翻譯!!!厲害吧!!! 最神奇的地方是它連你想也沒想到的地方,如按鈕上的字也能翻譯(如下圖),離譜!!!XD 當然,翻譯未必一定準確,甚至拆解句子也會出錯,始終是免費的,就別嫌棄好了lol 現時此插件只出到2.0版本,有興趣的只要於「工具」上選「附加元件」,再於「取得元件」處輸入「Rikaichan」,搜尋後安裝就可以了。 事後只要連日英包及日本名字包也一併安裝就可開始使用。 如無意外瀏覽時right click就可看到「Rikaichan」這個選項,tick了後插件就會自動運行,然後點到你想翻譯的字上就可以了,方便,簡單! Rikaichan: http://www.polarcloud.com/rikaichan/ 如欲安裝可按以下連結: https://addons.mozilla.org/zh-TW/firefox/addon/2471/ 其實想認真學好日文的話,除了投資到各類教材,器材以及花點時間上堂之外, 平時最好唔知醜,別理會錯與否,把握跟日本人閒談的機會就可以了。 大多數日本人都非常樂意糾正你的錯處的,懂得從錯誤中學習就自然可以於有限時間內操得一口流利日語,努力吧!!! (其實我一直都相信及深信最快學懂外語的途徑,就是結交一個當地的女朋友,到時別說一年,

於日本,春天睇櫻花,秋天睇紅葉,冬天睇...雪花(???),咁夏天睇咩? 夏天係一年一度煙花既季節!!! 近來就係非常"煩"忙,踏入旅行既季節,除了忙住周圍去旅行之外,仲走訪了幾個花火大會。 當中要數比較出名既,相信一定係比較多人熟識,於上月底(31/7)舉行既隅田川花火大會! 係,當晚既煙花係靚,但保證你去完一次就唔會想再去多次,點解? 當日我跟幾位朋友早早就去了淺草隅田川打算霸一個好位置以便晚上回去時好好欣賞煙花, 可惜即使11:00去到都好,別說比較理想既位置,連一格「空位」都難搵... 最後於草叢堆中放了張塾及幾袋東西當佔地用就走人... 沿途已經見到不少人在路上紮了營,有的在訓覺,有的在打機kill time... 我心諗:「到底呢班人幾點黎霸位?幾日前?」 回到家,待朋友們換好浴衣後,大概16:30就出發再回到隅田川,當時已經封路封到水洩不通! 唔好講車,連人都行唔到,短短15分鐘路程就花了至少一個鐘頭!!! 加上沿途通道比較窄,特別係海濱路徑,「塞人」情況非常嚴重!!! 好不容易找回早上霸回來的一格仔地... 不過日本人認真守秩序,除了你佔地後沒人會來你放底了大半天既物品可以說原封不動,比著在HK,老早全數被拿走了吧!lol 花火大會準時開始,煙花唔錯,但地點就...被樹蔭遮了不少...=.=" 反而封路後馬路方面的位置比較好,仲唔係遲黎先上岸??? 好逼... 離開時,數十萬人同一時間從淺草離開,可以說是難受... 連進入車站都要排一條長長既人龍...回到家時感覺有如打完仗一樣...又熱又焗又逼又辛苦... 難怪連日本人都說不去為妙...喺電視度睇比較舒服,那刻我真係身同感受... 而我個人覺得,論環境,足立區花火大會較好,至少地點空礦,可以聚到更多人,不至於隅田川那麼窄... 至於煙花嘛,幸運地去青森時碰上當地的花火大會,那大會時間長,煙花更有過之而無不及! 一想到這裡,我又覺得去隅田川睇煙火又真係好似無咩意義... 不過嘛,雖然唔去比較好,但個人仍然覺得至少要體驗一次,難得黎到,唔體驗過又點知真實情況係點呢? 至少你會體驗到當地花火大會既規模及氣氛,你就知道點解會咁多人慕名而來! 所以辛苦一次吧! loll