日本工作假期省錢秘技之-- (7) Point Card陷阱

日本人既生意頭腦及商業心理真係強到無話可說，「盤古初開」時就懂得運用point service去促銷。
美其名就係為顧客既荷包著想，提供折扣優惠，慳得就慳，但實情？
不就是為了加強自家於市場上既競爭力及佔有率，從而利用消費者既心理，加強顧客既忠誠度及消費頻率(Loyalty Program/ Frequent Shoppers Program)來獲得更多利潤！
於是市場上逐漸衍生了不少大行其道既相關工具如point card，stamp card，membership card，mileage card等等，
這亦都係點解日本人不論男女都喜歡用長形銀包既原故，無他...得來的咭實在太多...lol

不過，當人人都習慣了這種用point card找著數既消費模式後，有冇諗過其實呢個係一個陷阱？

來日後因為多了個日本住址，可得到的point card就更多！

Point card既由來
Point Service這個「數字遊戲」其實就是一種營商手法。
於科技嘗未發達既時候，stamp card就是當年的工具，透過「儲印仔」既方式去提供優惠。
直至1989年，point card既鼻祖，大家都應該熟悉既「ヨドバシカメラ」發行了日本第一張point card，
自此point card一直盛行到現在，甚至可以話係泛濫，連online shopping及online accomodation booking都有net point作招來，應用方法多到數之不盡！
眾所周知，point card多數以價錢既回饋率作cash back優惠。
發行point card既先鋒，亦即係一眾家電店，所提供既回饋率向來比較高，一般來說為標價既5-30％不等，
而後來加入戰團既藥店，書店及一眾超級市場則只有1％，promotion時來個5倍point的話就是5％。
除此之外比較「古老」的就是時裝店所用的「儲印仔」，不論cash back還是贈品方案都有。

問題來了，當習慣了這種變得理所當然既消費方式後，其實最慳錢既方案並非看point card既回饋率哪裡較多抑或point card究極應用術，

（日本好多這類教人運用point card既書籍及節目...當中最記得カードの日=火．土曜日，食音！又或者甚麼月．金サービス等等，留意多點吧！）

而係回歸原點，四圍格價，睇價錢做人！

Point card陷阱
要數最易中陷阱的一定要數到各大B字頭，Y字頭，S字頭及L字頭既家電公司，即係買電器既時候！
一般來說，因為家電既標價較高亦都較隨意(皆因廠方多數定價為open price之故)，所以回饋率亦相對地較其他類別可觀，中雷機會特大!
別以為回饋率有5-30％你就一定賺，那可是一個無底深淵！來個例子好了：
以Panasonic既GF-1 pencake kit set為例，根據価格.com所指，近來街價最平的只需38500yen，
再看看Bic Camera...是43699yen，差距是5199yen，高達13.5%!!!

你可能會說那Bic Camera有10% point回饋，不就是差不了多少?
的確可以這樣子想...但你肯定你還會有機會花了那10%的point嗎?還是會為了用了儲回來的point而買些不在buy list的東西?
再補充一下，雖說好多情況下回饋率都有10%，但這只限以現金付款為大前題，要是用信用咭的話那就在不知情既情況下被扣了2-5%既point...
所以反過來想，這種跟上台開手機一樣既「預繳」手法，唯一不同的就是電訊公司有月月割，而這些連鎖大公司就是「無限期預繳」。
直至point過了一至兩年都沒用過而被reset後，你就會知道蝕了多少。
最狡猾就係他們用盡消費者既心理，即使你利用point都好，折扣過後的實價仍然有相當數量既point回饋!
那可想而知這可是一個沒完沒了的無底深淵!
我一直都覺得，只要不是即時回饋，又或者因為這種「另類預繳」，將實際既金錢轉化成virtual digital令自己手頭上的cash flow減少了的話，那這就不再是優惠...

好，來個實際點的，以生活上必到的超市，藥店及便利店作例子。
假如你向來時間很多又很無聊（像我一樣）的話，心水清的自自然然就會發現，其實以上提及的各類店種，有point service提供的標價都比沒有point service提供的貴！便利店又比超市更貴！
之前提及的業務スーパー甚至Big-A這類value超市會是一個便宜既好例子，假如以HK的作例，就是百x跟街市及普通藥房既分別，貴在上架費。
某大M字頭的藥店更加離譜，每一間分店的標價也不一樣的！（唔信可以行下lol）
以他們只提供1％回饋率來計的話，要儲多久才追得上跟其他店的差額...？
當然，對於要「趕路」既旅客來說，point service倒算是一種優惠，至少某程度會比退稅平...
不過，對於暫居於日本的我們來說，有時間就慳得就慳啦，閒時多上「日本版香港格價網」 - 価格.com的話可以確確實實慳得更多！

価格.com: http://kakaku.com/

陷阱範圍外之point card
其實又並唔係所有point card都係陷阱，有幾種我覺得係例外，分別係書店及時裝店的，當中T-point card我認為係真正有用的，只係point比較難儲！

T-SITE: https://tsite.jp/index.pl

書店嘛，始終書係公價貨品無比較，point card於這裡出現只係一種良性既市場競爭，如近來鼎鼎大名既「紀伊國書店」也加入戰團一樣，所以幫襯開邊間就繼續儲point就是了。
至於時裝店嘛，各店賣的都是不同的時裝，貨品也比較unique不能比較，這亦跟個人喜好有關。
最後不得不提的就是食店，某些沒提供coupon的食店實情係有point card的，如肯德基，Mr.Bean等等，相信未必好多人知道吧。

怎樣也好，別以為有point reward就等於有著數，其實...以我觀察所見，日本人係唔會蝕架！！！lol
正所謂無奸不成商，但我又覺得不能怪商家夠奸，只能說他們賺到盤滿缽滿是他們的本事，要關就怪自己蠢好了XD
再說，唔蠢過既話又點可能學得精呢？
在日本住得久了就會自自然然發現得更多，消費也變得更精明，慳錢就是要格價！XD