東海兩日一夜relax之旅--- (上) 小田原,箱根,熱海

久違了!
上星期可以用超級繁忙來形容!因為太多event既關係,成個星期都處於睡眠不足既狀態,坦白講係幾辛苦!
可能人老了,加上於日本慣了早睡早起既習慣,同HK天光訓覺太陽落山才起身既生活簡直差天拱地!
自此我已經不能捱夜了...唉...只嘆歲月不饒人啊...


早於前一個星期五,友人從HK來到日本找我遊玩,並到我家作客留宿。
(得多謝友人辛苦帶了一大堆補給品過來!lol)
趁著這個大好機會,當然要跟友人走出東京,遠走高飛!於是我們兩人於星期六日就坐遠程車去了東海一轉。


3/7的早上,我們先去了首站小田原城參觀小田原城址。
去到日本嘛,唔上天守閣參觀就係好似做少樣野咁...就正如去到英國你都會去睇城堡一樣lol
剛好踏入7月,亦都係紫陽花盛開既時候,城址內滿佈了各種顏色既紫陽花,景觀不錯!

注意的是小田原城天守閣內係嚴禁拍照!!!!
入場費為400yen(只進入天守閣的話),假如上有關官網的話,可下載internet coupon,入場費會有9折,只需360yen!
天守閣特別割引卷: http://www.city.odawara.kanagawa.jp/kanko/Service/waribiki.html


參觀過小田原城址,於市內輕鬆行了個圈,食過午飯後就直接於小田原坐伊東．箱根巴士上大涌谷。
其實當日天色已經不太好,而且看過天氣予報亦說大概到了下午左右會落起雨上黎...
所以一直都有點擔心去唔到大涌谷這個景點...
結果...果然好景不常...花了接近一個小時上到大涌谷山頂,除了暴雨,還有強風...
別說要看由山中自然噴出的白煙,那裡已經被雨雲完全覆蓋至白濛濛一片,想行山係完全沒可能...

唯一可以做既就只有逗留於tourist center,四圍影相等待下一班回箱根湯本既巴士落山...
回到湯本駅就更係要浸一浸溫泉先走啦,唔係枉黎箱根!
不過我地去果間「箱根乃庵」既所在地都幾吊腳幾難搵...至於點解會去呢間?自己上網search下吧!lol

相比起其他大型店鋪既溫泉,我個人還是比較喜歡小型,古式古香的。

再說,當日因為完全沒有人的關係,整個內外湯根本就如同我地兩個人貸入一樣,非常舒適!

而且泉水比較滑,同一般水質明顯不同,感覺浸完會有護膚效果一樣!

 

入浴料跟大部份地方不相上下,為1000yen一個人,毛巾另計,所以請自備。
箱根乃庵網址: http://www.hakone-iori.jp/


浸過溫泉,個人馬上鬆晒!但係時候唔早,得馬上由箱根坐登山鐵道回到小田原,再轉JR東海道本線到熱海。
去到這個位於靜岡縣,東海地區的入口,靠海的城市,原先係想漫步下海邊,可惜去到時天黑加上落住毛毛細雨,掃興!
只好馬上走到早前於Janlan予約了的酒店 - ホテル池田check in。
明顯去得熱海都係為左浸溫泉,所以,夜晚飯後再一次走到酒店的浴場入浴!
假如當時天未黑既話,相信露大浴場那個望海景一定好靚,非常可惜...
意外既係今次我所join既只係5500yen一位既素泊plan,但房間卻非常大,環境也不錯,乾淨,仲要望海!

首次入住和式既酒店,不過到頭來原來我係訓唔到たたみ...
但至少試過!對我黎講下不為例! lol