東海兩日一夜relax之旅--- (下) 熱海,伊豆,城ヶ崎海岸

狼狽不堪既首日之後,緊接而黎既係意外地天氣晴朗既一日! 
起身時見天色唔算暗,都大概知道今日應該唔會落雨,天色果然逐漸變好,陽光更越來越猛烈!
所以,原定去城ヶ崎海岸這個行程並沒有取消,更照計劃進行,心情非常興奮!!!

於房內看到既景色,假如室外泳池都開放了的話,相信會更多野睇...lol

我真係覺得熱海既海景望落去好似意大利Napoli既Sorrento wor!!!


既然烈日當空,我冇可能放過呢個大好機會,於是check out過後,首站決定由酒店行去熱海城!
反正於房內看到熱海城,我想應該不會太遠的說...
誰料到...行到一半已經唔想行...雖然只係大概30分鐘既路程,但沿途上山下海,又穿過只有車行既隧道,令我有點猶豫究竟係咪真係要搭車上去...
(好耐冇試過行到身水身汗...lol)
但當你上到去見到熱海全景這個絕景之後,我就覺得行30分鐘係值得既!

問題係當你行到身水身汗上到去,發現入熱海城要比800yen時...果一刻你可能未必知上去為咩...
正常黎講都要入一入去既,但望入去似乎真係冇特別野好玩,而且日本人都說去過小田原城就不用入熱海城...
就係咁,棄權,省回800yen做其他事好了!

行回熱海,吃過午飯後就由熱海坐伊豆急到城ヶ崎海岸。
幸運地今日坐伊豆急坐到特別列車---黑船列車,下田龍馬傳的resort 21!!!

果然,跟普通列車差距甚大!相同價錢卻比普通列車更舒適,更快捷!!!
我說啊,這天未免太幸運了!!! lol


大概40分鐘左右總算到左這個行程既終點--城ヶ崎海岸,亦都係今次老遠走到去伊豆既目的!

而來到這個地方既目的就係為左行一轉門脇吊橋,一覽天涯海角既絕景!!!
這邊果然感覺較為鄉下,四周環境都比較清幽,終於令我覺得有置身於日本既感覺!
(其實我一直以黎都覺得喺東京同喺HK冇任何分別...lol)

由車站行去門脇吊橋既距離大約1.6km,以年青人既速度絕對花不上20分鐘就可到達。
沿途都有不少指示牌指出方向及剩餘距離,所以不用擔心即使附近人影都冇過都絕對唔會迷路。

講真,呢個地方真係玩到我唔想走!
雖然這個國立公園面積算不上好大,但景色的確一絕,可以既話我都想住喺度! lol
假如我冇去圖書館借了幾本相關旅遊指南黎睇既話,我諗我已經錯過左呢個天然美景。
事後我仍然覺得即使我洗左幾多錢,流過幾多汗先去到都係值得既!
假如有時間既話我都想再去,亦都想再去更南部既伊豆下田區,聽說風景更捧!安排下好了!
離開城ヶ崎海岸之後,實情係有落過伊東,找了一間叫陽氣館既溫泉旅館浸多次溫泉才回程,
可恨既係可望到伊東全景既露天溫泉已經關閉...剩下的內湯又小得可憐,只能失望而回...
而當時因為時候都唔算早,回東京亦需時,所以喺好唔捨得既情況下離開了伊豆,回到人煙稠密既東京...

雖然於這個旅程洗左唔少錢(大概25000yen左右),但我仍然覺得係值得既!
那一刻我突然意識到其實日本真係好大,要於一年內踏遍整個日本的確係不可能既任務。
再說,於日本內最貴的非食非住,而係車費...
今次旅程的總洗費差不多有一半是用來搭車的,可想而知車費係幾咁恐怖...
唉,唯有繼續努力搵錢,用盡每個週末及假期去更多地方,體驗更多!