富士山攻頂實錄!

時序雖然唔係好岩,但這篇不得不先發,正所謂打鐵趁熱,趁我記憶猶新就好寫左先!!!
但注意,以下經歷及建議因人而異,只供參考,別打算學我做盡一切異於常人既舉動,肯定沒多少人做到,否則...有冇命返落山我不能擔保,亦都不會負責lol
正所謂自己既身體狀況只有自己最清楚,情報收集得有幾多都只係一堆用作參考既資訊,別信得十足十!
所謂萬全既準備,就係過濾所有資訊再因應自己既狀況而調度,準備最適合及自己需要既裝備才是上策,人云亦云絕對冇好處!
要是你膽生毛,又或者自問自身既體質及體能都有異於正常人的話,那可考慮一下跟我一樣玩命,
視這次攻頂為遠足,包保樂趣更多!
好,富士山歷險之旅開始!

先解釋一下富士山既登山路徑。
事實上要上富士山並非只有一條路徑,而是有四條,所以用不著「死人尋舊路」!
當中包括比較近東京方面既吉田口,須走口及御殿場口,以及於靜岡縣既富士宮口。
原定行程要是只有我跟其他HK人齊齊登山的話,定必會揀免麻煩且較近既吉田及須走口。
不過因為今次剛好我house的日本人housemate也說會上山,所以準備既重任就交左比佢地,兼決定行人氣度冇咁高,五合目至山頂距離較短,環境較乾淨既富士宮路線。
(因為吉田及須走口多人,中國人都特別多,全程較污糟,亦都較多「塞人」情況,唔好走...)
於是到左28/8,喺富士山封山前最後一個星期六,日,我地一行七人既攻頂部隊早上於東京站起行,
先坐JR高速巴士去到靜岡縣JR富士宮站,再轉當地既富士急登山巴士至富士宮五合目才向山頂進發!

登山攻頂篇
基於當日不論由東京去靜岡,又或者由富士宮站上五合目既途中都塞車既關係,
即使我地幾早出門口,去到五合目都已經係16:00有多,正式由五合目開始登山時間為16:30...
富士宮五合目既標高位置為海拔2400m,比起其他路線為高。

向六合目進發既路段都非常好走,只是一大段不太斜既沙礫路段,絕對沒有難度可言。
可是,由六合目開始上新七合目時難度一下子向上昇!
除了斜度大增之外,比較平坦好走既砂礫路段已經買少見少,只會見到不少高度參差不一既岩石...真正要爬而並非行...
當時未至於要手腳並用,但已經開始有點狼狽...
走到新七合目的御來光,我地就在這裡稍作停頓,吃個不算太差既咖哩飯兼留宿至半夜才繼續攻頂既!

00:00左右,一行六人整頓好一切之後再度出發。
入夜後既氣溫可以話已經急降,但於新七合目時我自己未覺得好凍,向上行了不久都已經出了一身汗,即係話我仲未需要著上大褸。
(因人而異,有d已經覺得好凍要著褸,按自己需要就可,別勉強)
至於新七合目上元祖七合目,八合目以及九合目既路段,實在未至於非常難行,都是砂礫斜路以及參差不一既岩石路組成,行慣了的話倒是會麻木。
只要手執於五合目買既金剛仗以及路上既繩索可以說輕而易舉。
加上入夜後特別多人,可以互相扶持,而且入夜後周邊既「恐怖環境」已經消失得無影無蹤,安全感反而大增(???),可以更加放膽行,甚至跑上山 lol
(我真係有跑過,千萬唔好學...)
只要有頭燈,路仍然可以清楚見到,所以真係問題不大!
去到九合目,越高既地方開始變得越凍,當晚於九合目既溫度以我既感覺推測應該有五度。
相比起平時既富士山黎講算係暖,但坦白d講其實都叫凍...lol
來到這裡已經不得不穿上衝鋒褸(雖然已經做左全山既焦點,但挑戰只穿背心上到山頂失敗.../.\),
只要一停落黎就會明顯地有冷感!
我眼所見,有不少人除了包到上頸之餘仲要用錫紙包住自己個身來保暖,誇張吧...lol
食下野休息一會就繼續向上爬...大概由八合目開始再上每一間小屋都需要花30-40分鐘左右。
不是因為路特別長,而係因為人太多,由九合五勻上山頂一段更出現要停下來等候上山頂既「塞人」情況!!!
我說啊,日本人認真守秩序,雖然路既一邊係空著,但每個人都仍然耐心等候排隊上山,沒有出現「爬頭」等情況!
要是中間沒有登山指導員在控制現場,相信所有外國人都「爬頭」衝上山頂lol
冇法,於那一段路時已經接近04:00,眼見天空開始出現異樣,有光源出現,當然會心急想快d上到頂霸位睇日出啦,但無可奈何之下只有等...

上到山頂果然有非常多人佔了較好既位置準備睇御来光(日出),好不容易才濟進一個較空礦卻算不上很好既位置,總比於人群後面好。
望著漸漸染紅,由黑變藍既天空,加上山下既景色開始變得清晰,你馬上會覺得行接近七個鐘上山頂係值得既!
我可以保證你眼前所望到既景色會令你一世難忘,當然日出都係迷人到難以忘記!

 但謹記,喺太陽出現前既山頂的確比較寒,直至太陽出現後,有陽光照到既地方先會比較暖,別鬆懈!
(喂喂,唔知邊個睇少左佢,著背心攻頂!!!lol)

日出過後,山頂既人馬上開始湧落山...結果又成了一條長長既人龍...lol (點解連落山都要排隊...lol)
但辛苦上到山頂冇理由睇完日出就落山...當然要於山頂打個圈才安樂!

 事實上山頂上亦有景點可看,除了例行要入富士山淺間大社奧宮之外(入去燒埋最後一個印落支金剛仗上,亦都係最貴既一個,300yen!),
還有請行多兩步去看看富士山既火山口!
而仍有充足體力的朋友可選擇上到富士山既頂點,海拔3776m既劍ヶ峰!時間及體力充裕的最好上埋去!
假如自覺耐久度逐漸下降的話個人建議別走上劍ヶ峰了,溫存體力下山較好!

落山篇
正所謂上山容易落山難,任你體能多好,上到山頂幾咁精神都好,走一段下山路後包你體力完全耗盡!!!
(我就係一個好例子...上到山頂氣都唔喘下好似患左過度活躍症咁,但落山就...oh...)
雖然當你望盡全個山腳景色時唔多唔少都會腳軟,但路只得一條,唔走唔得...(你會發現你上山時行過既路於落山時突然變得好崎嶇,好難走...)

 唯一可以做既,就係集中精神去找你每一步既落腳點,否則我肯定你唔可能安然行完那條唔係路既路...lol
同上山唔同,感覺是相反的,你好快會發現假如你落山時眼前既係岩石梯級的話,你會覺得相當痛苦...
要是係沙石斜路的話倒是非常輕鬆,側身滑落去就可以了!
只要你集中精神咁走落去,時間自然會過得好快,好快就會安然返得到五合目,完成你那愉快既遠足!lol

裝備及建議
講左咁耐,到底裝備如何呢?我先說自己的...(比較主觀,別亂跟,這是冇銀兼知道9成9唔會落雨才夠膽死準備既行裝!)
我全身裝備不多,都是以輕為主,如下:
1. 身穿的 - 背心,牛仔褲, 波鞋
2. 不死鳥防水backpack (不是刻意買,N年前入手的產物...)
3. North Face Goretex衝鋒褸 (強烈推介,又防寒又防水,一舉兩得!)
4. 替換既短袖quick dry底衫一件 (結果我係比左人著)
5. 太陽眼鏡 (別少看山上既陽光!)
6. GF-1 + Olympus u tough 6020 (基本上你9成時間都會用上三防機)
7. 2L Kirin Amino Suppli (比水好,補充水份之餘仲可以補充體力,就如寶礦力一樣)
8. 山崎三文治lunch pack x2, 朱古力餡薄皮麵包, chocolate digestive biscuit以及淺草人形燒
9. 勞工手套一對 (必需!保護你雙玉手)
10. 頭燈 (夜行必需!)
11. 於五合目時購入既金剛仗一支 (必需!別怕麻煩,好快你就知道佢既用處係多萬能!)

 以上!對,就係以上咁多而已,所以上山的確非常輕鬆!自問自己覺得非常充足!

至於根據官方以及其他報告提議的...
1. 大都建議帶防水的東西及雨具,防不了水的都別帶...個人認為雨具及防水機能重視的物品,需要與否非常睇運氣!
假如好似我既情況,出發前一日知道一定唔會落雨既話,那這堆貴價既東西真係買黎都多餘,別浪費太多金錢只為爬一次富士山,無謂...

(這句我只係跟工作假期既朋友講,來旅行順道爬山的就別吝嗇,你沒那麼多時間去選擇天氣好時才出發)

我個人觀察,似乎8月尾登山是一個不錯既時段,基於7月頭至8月頭都是雨季,雨水特多,山上落雨既機率都相對地高!

2. 有某些會建議水別帶那麼多,以免攞苦黎辛。
針對呢點,我個人認為水帶多好過帶少,1.5-2L就好了,因為山上買水好貴,可能買鑵啤酒仲抵過買支水。
我可以跟你說,上山時你不會喝太多,反而下山時太陽猛烈加體力透支,需要補充大量水份!!!
3. 口罩或者圍巾也是必須的,你下山時就會知道有口罩既可愛之處,只是我沒準備而已lol
4. 帽嘛...看你個人愛唔愛同陽光玩遊戲啦lol
5. 最後就是禦寒衣物,只有這點我是會強烈建議買用Goretex料製既衝鋒褸,保暖又防水,強烈推介! 頸巾,長袖衣物等等則視乎個人需要,我自己是完全不用的!
當中長袖薄身既衣物亦可作防曬用,假如不象我成世人跟防曬絕緣既話,請帶一件!
6. 高山症(如頭痛,作嘔)有可能出現,假若真的出現,請放慢腳步,多吸氧氣。 (別學我跑山!lol)

我想要注意既登山事項大概就是這麼多,想到的再作補充!
既然我都做得到,我相信只要大家根據自己既體質及狀況作好準備,好似執藥咁執,大家都會有一次難忘又愉快既富士山體驗,努力吧!!!