橫濱一日遊

日本天氣乾燥,成個人層皮仲乾過個荷包...
不過臨近月尾亦即係糧尾既時候,荷包馬上乾過個人...
所以活動一下子停了接近兩個星期...為免破費,邊度都唔敢去...
(同時都因為日本正式踏入令人悶透既梅雨季節,天氣差到邊度都去唔到...)
直至上星期五終於都到左一個月一度既出糧大日子,仲要係第一次full paid,於是活動馬上再開!


因為上星期跟幾位同樣來日本working holiday既香港人食左餐飯交流左一個晚上,
閒談間決定了有機會既話就一齊遊日四圍玩,總比自己一個人周圍去好!
(雖說可以同日本人去玩,問題係本地人唔似我地咁幾時都咁得閒...所以同聲同氣既香港人就最好不過)
於是,剛於過去的星期六就齊齊走出東京都,近近地去了位於神奈川縣既橫濱走一轉!
照道理有伴齊齊玩應該係開心既,可惜天公不造美,落左一整日雨...掃興!!!
(枉我帶左支腳架出去,到最後都係冇機會用到...白費心機....)
不過咁,即使落雨都可以行足一整日,都叫做去左唔少地方,我已經覺得好厲害! lol
基本上熱門的都接近全數完成,櫻木町既日本丸, World Porters, Cosmo World, 紅磚倉庫及拉麵博物館等等都已經去盡,

遺憾既係去到咖哩博物館既「遺址」先知道原來已經一早執左笠...可惜可惜...這點其他人可要注意...
(其實由某出版社所出既07年度東京全攻略係有提及,只不過大家都眼大睇過龍...lol)
事實上難得去到我係想去橫濱Stadium的,結果到最後我係完全遺忘左呢件事...
只好下次再去吧...反正都想於天色絕佳既時候再去一次,就係想去Cosmo World玩下,周圍影下靚相嘛!