生日旅行之江ノ島及鎌倉

踏入5月尾6月頭,天氣開始回暖(近來東京的氣溫仍然徘徊於15-16度左右,算凍...),
有感旅行的季節終於都來了!!!
所以就跟於先前的international party中認識的某異性朋友齊齊去了江ノ島及鐮倉一日遊。
(別多想,只是普通朋友而已...)
其實早前我曾經因為有異性冇人性既關係放過她一次飛機...(雖然她也是異性...),
但既然她對我不離不棄,所以我就應邀跟她去了一個日帰り(day trip)生日旅行!!!
(原先計劃可是去山梨縣河口湖參加那個芝櫻祭り,可是那片櫻花海已經全變成綠色,加上天色不太好一定看不到富士山,所以才改了行程...)


因為她住在八王子而我在東京23區內既關係,所以我們不大可能齊齊出發,只能於片瀬江ノ島駅各自等大家。
既然自己一個出發,事前當然要準備妥當,搜尋最便宜既方法!
可幸五反野原來是一個方便的地方,坐兩個站到北千住之後轉千代田線就能一口氣去到新百合ヶ丘,多轉兩次車就直到片瀬江ノ島,全程不過2個小時。
(要是我當日醒水衝了上急行的話,個當鐘就到了!!!)
而那2個小時亦意外地過得很快,看看窗外的風景轉眼就到了。

約了她11:00於車站等,結果她因事出突然而變成13:30先到...於是我只好一個人到處行逛,悠閒地食個lunch影下相...=.="
難得去到湘南海岸,最舒服既方案當然去便利店買份三文治於岸邊邊吹海風邊食啦(雖然有點冷)!

誰知我只是咬了一口,在空中盤旋的隼就突然衝過來搶走了我份lunch...147yen就一下子化為烏有...
對...我沒看到附近有張貼告示說明這種狀況,該慶幸我隻手仍健在...從此我不再愛這種所謂的享受!!!


待那位小姐到達之後,我們就先行到江ノ島,上那個出名的展望塔。

 其實要上山頂是有兩個方法:1)付350yen坐扶手電梯上去, 2)步行上山頂,免費!
慳錢的就當然選擇步行啦,別偷懶,運動一下吧,再說沿途風景不錯,加上上到山頂可是要付500yen買入園及上展望塔的門票,那500yen可不能慳!!!

我說啊,要是不上這座塔的話就別去江ノ島好了!
上到去還要再行一層才到達完全無玻璃阻隔的塔頂,在那裡吹著海風望張一 覽無遺的湘車海岸認真一絕!
假如天色好的話,實情係好大機會可以望到富士山的,今日算是唔好彩...
於落山既路上,終於受唔住誘惑,一口氣買了數樣小食,當中章魚煎餅(名物)及じゃがバター的確不錯,應該要食!!!

 江ノ島之後就是鐮倉,直達方法最快應該是使用剛好100周年的江ノ島電鐵,9個站需時20分鐘,收費250yen。

其實我知道鐮倉是一個好地方,有很多值得去的景點如鐮倉大佛及各大寺廟等等。
但可惜今日因為時間關係(最重要係有人遲到及於江ノ島花了太多時間睇Hawaii表現...),
就只夠時間去最大地標既八幡宮遊覽,唔多唔少都有D失望...不過唔緊要,有機會再去就可以了,反正唔遠。

下一次我一定自己一個人玩盡鐮倉,去齊所有景點,特別係鐮倉大佛看似係一定要去的!
加上車費唔算貴,只係比去片瀬江ノ島貴些少,片道(單程)1100yen,但途經橫濱,可落車行個圈,
所以一定有第二次,就下個月吧!!!


入夜後我地就於附近某餐廳齊齊食飯,叫左一個マグロユッケ定食黎試(吞拿魚mince飯定食),
竟然意外地唔錯!
估唔到一間平平無奇既餐廳咪道都唔錯!即係話,於日本食飯,亂來都唔會差得去邊! lol

飯後意想不到又有一個意外驚喜!事源那位小姐突然衝了入隔壁的不二家選甜品,
誰知原來係揀蛋糕同我做生日,認真唔話得!!!
加上不二家有生日特別服務,除提供一系列特別服務外(提供假蛋糕及公仔作影相用兼曬出來送於壽星仔),
還有免費雪糕贈送,認真服務周到而且非常便宜,係一個唔錯既慶祝方案!

所以我才說今年的生日的確夠特別!有時在外國過生日也不是壞事哦!XD

總括來說,今次的生日旅行認真不錯,意外地我已經喜歡上江ノ島及鐮倉這兩個地方!
相比起人多車多既東京,這兩個地方舒服得多,亦有很多有特色既地方,好有旅行既感覺!
當我隻身回到東京之後,馬上有感自己好像在HK似的,只是處身一個單純既商業城市...
旅行嘛,就是要去些有特色兼能輕輕鬆鬆地享受假期的地方嘛!
所以下一個旅行如無意外我仍然會遠離東京都!
如無意外今個星期六會去位於崎玉縣,人稱小江戶既川越,又係時候籌備一下啦!XD