手賤燒錢遊記...Orz

「人搵錢係用黎洗既!」 這句說話真係絕對正確!
我向來都係最憎洗衫最憎洗碗剩係鐘意洗錢,有錢到手時絕對會病發,身痕到極點那種!
既然來到日本Working Holiday,除了主打旅遊之外,又怎可能唔燒一燒錢,振興日本經濟呢?
剛於星期五出了兩天人工,見星期日天氣好得交關,於是就決定晨早走到東京兩大軍事重鎮搶錢據點「行咇」,即管看看有多少斬獲!
(其實出發前已經列了一個buy list方便自己敗家,多得最近兩期既men's non-no及smart唔少...lol)

11:00出到表參道,馬上去我最愛既CdG南青山店潮聖一下!
可惜發現自己根本買唔起...6萬 yen件shirt哦...靚係靚,但...$$$$$...調頭走好了... 
(點解London間Dover Street Market好似平好多咁既?真係近法國係平d?)
還是接受現實,經濟少少走回原宿慢慢燒錢好了...
近來個人比較喜歡Ship Jet Blue及United Arrows的Beaty & Youth,所以這兩間shop正好是今日的主打!

至於其他嘛,眼見越來越多value brand的出現,那當然要去巡一巡鋪看看有甚麼好東西啦!
不過似乎只有WEGO及Uniqlo是買得落手...Hanjiro根本不是我杯茶...
但我倒開心越來越多這類廉價品牌出現,至少可以替我荷包著想一下嘛,認真價廉物美 lol
最後行到落涉谷,腳賤行了入Parco part 1 大門口某3隻英文字既專櫃...於cashier處畫左隻龜...T.T
事後還真後悔走了進去...還好親愛既表姐提醒我堅持信念,錢係搵黎洗既!XDDD
好了,我行了一整天,足足7個鐘頭,真的將那兩天人工花光了! (就當慰勞一下自己吧,反正總要換季嘛!)
血拼得來的東西還挺多,可以說由頭到腳都齊了,真係可以轉季啦!!!

敗家過後嘛...正所謂有幾耐風流就有幾耐折墮!看來今週慳得就慳了...
(但我會堅持最憎洗衫最憎洗碗最鐘意洗錢這個信念的!)
對,我決定了食最便宜的,一整個星期都只食咖哩!我相信不是所有人都受得住這種地獄式的刺激。 XD
到底可以幾慳?我給你計...
我份人比較懶,不太願意自己煲一大煲咖哩去食一個星期,所以決定買即食的好了。
一包value的只需68 yen,每包的份量已經足夠我食午餐及晚餐! (我向來只食一碗飯,所以夠食架啦!)
那只要買7包就足夠你食一個星期的說!!!計起上來,一個星期根本花不過500 yen!!!
大不了再花178 yen買10隻蛋, 88 yen買包雪藏西蘭花,都只是700 yen左右。
(這邊買新鮮菜特貴! 於HK買菜搭棵蔥,這邊一棵蔥要98 yen!!!)
至於一包5KG既米見過最平只是1380 yen,有排食啦,唔計落去啦!
當然,其實我都只係無聊試驗一下這個方法,根本用不著折墮到這個地步!
坦白講,只要你堅持自己煮飯食,一個星期花1000 yen去買餸已經可以好豐富了,比起我於UK時感覺更好!
(我於UK一個星期只需花15 pounds買餸哦,日日都食豬扒架! lol)
但緊記格價,因為每間超市的標價都會有出入,19:00左右還會有些肉類做割引,岩時候買的話會慳得更多!
這個星期嘛,我即管體驗下這件日本人也常做的事,即管食足一個星期咖哩會如何! lol
所以呢,我一直都覺得敗家唔緊要,只要你肯捱就可以了! loll


好了,別說我只懂敗家,我也有觀光啦。去得原宿,明治神宮一定是觀光主打吧!
雖然我去了原宿無數次,但每次都沒走進神宮看看,既然現時時間多的是,當然要一了這個願望啦!
即使遊客很多都好,但環境絕對一流,沿途兩旁佈滿樹蔭,清幽舒適,絕對跟宮外的竹下通り有著強烈對比!

星期日,遊客極多,但碰巧遇到有兩對新人在這裡舉行婚禮,即管看看日本傳統的婚禮是怎樣吧!
看了你就會知道他們的排場是多厲害!

嘩!雖然甚麼儀式之類的我沒看到,但只看排場我還挺喜歡嘛,絕對是日本風(廢話),非常之有特色!
相信平時只來數天旅遊的話很難有機會遇上這個境象吧,真係可遇不可求... (那我豈不是很好運? lol)
同時,可能人多既關係,宮外於神宮橋上有班年青人舉牌要求全世界都盛行既Free Hug!

我在旁留意了一會,有感本土人好像對這些人完全無視似的,一直都只有外國人會上前擁抱,明顯是文化上既差異吧...
Hug甚至Kiss等等,對外國人來說就只是單純的say個hi,是一種禮貌而已,我覺得絕對沒問題!
而我向來都唔知個醜字到底係點寫,所以一見到馬上就衝上前厄擁抱! lol
當你hug完之後,你絕對會相信人間真係有情架!XDD
除此之外每逢假日於神宮橋上都會有穿奇裝異服的烈士任你合照,有興趣就去跟他們玩玩吹吹水吧!
所以呢,其實原宿唔係只係一個單純既商業市區,想買既有,想玩既又有,絕對富人情味!
但短期內我都暫時唔會再出去...免得破費...loll